GemY
المدير
 عدد المساهمات : 458
تاريخ التسجيل : 22/08/2009
 | | موضوع: (( حوار خاص بين مذيعة ومواطن عام 2050 )) الجمعة نوفمبر 06, 2009 1:12 pm | |
| (( حوار خاص بين مذيعة ومواطن عام 2050 ))
<< برنامج ليت الشباب يعود يوما >>
المذيعة: اسم حضرتك؟
المواطن:بازوكا
المذيعة:احكيلنا شوية عن ايام زمان
المواطن:احكى ايه ولا ايه ولا ايه عن ايام زمان ....والنبى ماتفكرنيش بايام العز ...ايام الرخص...ايام الاحترام
طب دا انا مثلا فاكر من حوالى 40....45 سنة كدة كان الواحد مننا يا خد من ابوه المصروف 10 او 15 جنية فى اليوم وكانوا بيكفوا.......وما بيفتحش بقه ...مش زى اليومين دول الله يكون فى عوننا.......دا انا فاكر انى عمرى ماناقشت بابى فؤاد الله يرحمه فى المصروف
زمان الواحد كان محترم فى لبسه.........
كان الولد لابس البادى الكات...والبنطلون الجينز الديرتى المقطع وخلاص
والبت تلاقيها ماشية با حترامها....لابسة المينى جيب والبادى الضيق او البادى الاستوماك او البنطلون الاستريتش وخلاص........
لكن لبس اليومين دول مايتوصفش اجارك الله.........
زمان المصاريف كانت محدودة.......فين ايام ما كان كيلو اللحمة ب45 جنيه بس.......
يااااا كانت ايام........
وبعدين زمان كانت ابواب البيوت تتقفل من بدرى من الساعة 4 الفجر كدة وكان الابهات ليهم شنة ورنة.......يعنى ماتلاقيش واحد بيعلى صوته على ابوه.......ولا بيمد ايده على امه .....لالالالالالالالالالالالالا
غير لو زعقوله او ابتدوا معاه بالصوت العالى
زمان كنا بنذاكر على الاغانى العربية الطربية الاصيلة
فين ايام الاغانى الاصيلة زى بحبك يا حمار والعنب العنب
لكن اغانى اليومين دول لا ليها طعم ولا لون والكلمات بقت مبتذلة ومالهاش معنى
طب بذمتك كدة قارنى بين مطربات زمان زى الست روبى والست دانا والست هيفا ....يااااااااااا
يا سلام يا ولاد على ايام زمان دى
لكن مطربات اليومين دول بيعتمدوا على جسمهم وعلى المسخرة
فين ايام الفن الاصيل
زمان كانت البنت لما تقابل صاحبها اللى بقالها كتير ماشافتوش تبوسه وخلاص.....مش زى بنات اليومين دول دول قلالات الادب
وبعدين زمان بصراحة كدة كانت المذيعة تقعد قدم الضيف او جنبه
مش على رجلى زى ما انتى عاملة كدة
المذيعة :قول للزمان ارجع يا زمان
حبايبى المشاهدين كنا معكم وبرنامج ليت الشباب يعود يوما يارب تكونا استمتعوا بحديت جدو معانا يلا اقولكوا باى وتيك كير يا حلوين
مستنى ردودكم | |
|
برنسيسه رونه
مشرفة باب الافلام
 عدد المساهمات : 537
تاريخ التسجيل : 31/08/2009
العمر : 35
الموقع : فوق القمر وسط النجوم
| | موضوع: رد: (( حوار خاص بين مذيعة ومواطن عام 2050 )) الأحد فبراير 14, 2010 3:54 am | |
| ههههههههههههههههههههههههه نايس جيمي | |
|
yoyo
عضو فعال
عدد المساهمات : 111
تاريخ التسجيل : 05/02/2010
العمر : 34
| | موضوع: رد: (( حوار خاص بين مذيعة ومواطن عام 2050 )) الأحد فبراير 14, 2010 4:43 am | |
| | |
|
الرئيسية 