BaB ELDoniA LkoL ELDoniA
 
الرئيسيةالرئيسية  البوابةالبوابة  التسجيلالتسجيل  دخولدخول  

شاطر | 
 

 كيف تعيش فى مصر بـ1000 جنيه في الشهر؟

اذهب الى الأسفل 
كاتب الموضوعرسالة
GemY
المدير
المدير
avatar

ذكر عدد المساهمات : 458
تاريخ التسجيل : 22/08/2009

مُساهمةموضوع: كيف تعيش فى مصر بـ1000 جنيه في الشهر؟   الخميس أغسطس 27, 2009 6:17 pm

لو شاطر ... تعرف تعيش فى مصر بـ 1000 جنيه ! ! !






عيش بلدي 1 ج يوميا 30 شهريا
بس لازم تلحق دورك فى طابور الفرن وتلحق شغلك فى نفس الوقت ربنا معاك

حليب 4 يوميا 120شهريا
عدد واحد لتر يومياً ويارب ميطلعش بودرة سيراميك ويكفى العيال

فول 8 اسبوعيا 32 شهريا
كيلو فول اسبوعيا يعنى 125 جرام يوميا رضا والحمد لله

جبنة بيضاء 20 اسبوعيا 80 شهريا
كيلو في الأسبوع 125 جرام يوميا انت عايش

بيض 20 شهريا
عبارة عن 10 بيضات فى الاسبوع يعنى لو اربع افراد يبقى بيضه ونص يوميا للاربعة

خضار10 يوميا 40 شهريا
عبارة عن صنف واحد بس + كيلو طماطم + لمونه وحزمة جرجير اسبوعيا

فواكه 5 اسبوعيا 20 شهريا
عبارة عن كيلو برتقال أو قشر موز مرة اسبوعيا علشان العيال تفتكر اسمة

شاى10 شهريا
لزوم الكيف اللى بيذل والضيوف الرزلين

سكر 4 اسبوعيا 16 شهريا
عدد واحد كيلو اسبوعيا مش بقولكم الكييف يذل وسلملى على الحكومه

ارز 4 اسبوعيا 16 شهريا
عدد واحد كيلو اسبوعيا للعائلة كلها يعنى 125جرام يوميا متوسط الفرد 40 جرام

زيت 10 اسبوعيا 40 شهريا
لتر اسبوعيا علشان تشرب بق على الريق يزيت معدتك 000 يستعمل كبديل للخضروات

مكرونه 8 اسبوعيا 32 شهريا
عبارة عن عدد 4 كيس 400 جرام اسبوعيا 0000 خلى العيال تنبسط

دجاج 20 اسبوعيا 80 شهريا
عدد واحد دجاجة اسبوعيا للعائله 000000 اظن معقول

لحم 30 اسبوعيا 120 شهريا
عدد واحد كيلو لحم اسبوعيا لزوم صنف الخضار واللمونه وحزمة الجرجير 000 الف هنا

بقوليات 10 شهريا
عبارة عن كيلو واحد بس شهريا ونقى اللى بتحبه براحتك ( عدس - لوبيا - فاصوليا )

توابل 10 شهريا
عبارة عن دقيق + ملح + كمون + فلفل + كسبرة + وممكن تديها خل براحتك

صابون 15 شهريا
عبارة عن صابونه واحدة للحمام + صابون مواعين + مسحوق للملابس ( النظافة عموما )

مواصلات 2 ج يوميا 60 شهريا
بعد طابور الفرن تركب أتوبيس الهيئة ذهاب وعودة وبهدله وفرهده لفرد واحد يوميا

حلاق 10 شهريا
عبارة عن حلاقة الشعر + ماكينات حلاقة الذقن ( طبعا متنساش انت جبت صابونه للحمام هى هى الصابونه اللى هتحلق بيها دقنك ( نعيما ياباشا )

مدرسة 10 اسبوعيا 40 شهريا
عبارة عن مصروفات المدرسة + مصروف العيال اليومى + كراسات واقلام وجلاد 00ألخ

دكتور 30 شهريا
نمرض بالدور طبعا عدد اربع افراد مرة واحدة للفرد كل 4 اشهر وربنا يستر

ادوية 50 شهريا
أكيد طبعا العلاج بالدور وربنا يستر واتنين ميمرضوش فى وقت واحد تبقى كارثه

تليفون 10 شهريا
اشتراك الهيئة هنرد بس ومش هنتكلم معدش ينفع كلام

مياة 10 شهريا
للاسف لازم نشرب مياة ملوسة بالمجارى

غاز 5 شهريا
الحمد لله غاز طبيعى الله فى عون اللى عنده انابيب ( 10 جنيه للانبوبه ) وممكن تطلع فاضية

نور 20 شهريا
لمواكبة التطور غساله ملهاش مسحوق - تلاجة فاضية - بوتجاز يستخدم مرة كل اسبوع

قمامة 10 شهريا
اجبارى طبعا ومن الواضح ان العشة دى مفيهاش اكل اساس يبقى القمامة هتيجى منين

بواب 15 شهريا
مهو من حقه يعيش هو كمان لو عشر شقق يبقى 150 جنية شهريا

صيانة 30 شهريا
لاصلاح الاجهزة بالدور غساله - سخان - بوتجاز - مروحه - تلاجة - سباكة - لمبات انارة الخ


ملابس 100 شهريا
عبارة عن الصيفى والشتوى داخلى وخارجى واحذية وشرابات وكلونات واتصرف بقى


الاجمالى 1081






اكيد اللى هيخليك تعرف تعمل الكلام اللى فوق ده هيخليك تتصرف وتضغط مصروفاتك شويه علشان تبقى الحسبة 1000 جنية اقولك متمرضش ومتخدش ادوية وشيل 80 جنية معلش ربنا يقويك وينصرك على من يعاديك ويكفيك شر المرض .


ايجار الشقة طبعا قانون جديد وللاسف ملهوش قانون كل واحد وبخته ومش هنحسبها كل واحد يقعد عند امه وبالمناسبة ملكشى دعوه بشوية المصريف الى احنا هنقولها دى :


عيد الام
ربنا يخليها ويديها الصحه
كل سنة وهى طيبة
( 0 )

عيد الكحك
مضر وملهوش لزمة
كل سنة وانتم طيبين
( 0 )

عيد اللحمة
مضر وملهوش لزمة
كل سنة وانتم طيبين
( 0 )

حلاوة المولد
السكر مضر وملهوش لزمة
كل سنة وانتم طيبين
( 0 )

أخ خ نسيت احسب زكاة الفطر بس مش عارف هتدفع ولا هتأخد ؟

عموما نقول على قائمة الممنوعات والمحظورات 000 متقربوش منها علشان تعرفو تكملو الشهر.

ممنوع عنك الحلاوة والمربى والعسل والزبدة وكافة انواع الجبن عدا ماذكر فى التعيين (الجبنه البيضا) فقط .

المعلبات تونه بلوبيف لانشون سالمون فول وطبعا البسطرمة والزيتون والمخللات ممنوووووووووووع .






اوعى قلبك يحن لعيل من العيال وتجيبله شيبسى ولا ببسى أو كراتيه أونايتى أو عسلية أو بسكوت أو شيكولاته اياك ومنتجات العيال الصغيرين حتى لو حليب بالفواكهه او لبانه وجيلى كولا وهوهوز حتى الشيتوس يتفرج على الكرتون بتاعه فى التليفزيون ومتخليهوش يتفرج على الاعلانات بين الفاصل كمان .... وربنا معاك .

احظر اللحوم بانواعها البفتيك والاستيك والرقبة والموزة واللوزة كله كلام فاضى خليك فى تعيينك الاسبوعى .

ومتنساش ان البانية والفليه من الممنوعات ومتقربش ومتمشيش فى الشارع جنبك كنتاكى وهاردييز وهاربيز ومؤمن وكوك دور واياك من السندوتشات عموما زى الطعمية والبطاطس والبذنجان الحجات الحلوة دى مش مطلوبه تعملك حموضه وهتحتاج فوار واحنا منعناه مع الدوا وطبعا مش محتاج اقولك وافكرك انك ممعكش فلوس علشان يبقى نفسك فى سندوتش فرنساوى مليان كبدة اسكندرانى ولا مخ وتفكر تجيبه .

خليك واقعى وانسى المحمر والمشمر واللب والسودانى والتسالى بانوعها والمحمصات والمقرمشات والمكسرات بانواعها بالعربى انت زى العصفورة تاكل عيش ودنيبة رز وتشرب ميه عمرك سمعت عن عصفورة ركبت دش أو وصلت نت او حتى فكرت تاكل ترمس او تشرب حمص كله كلام فاضى ممنوع فاهم يعنى ايه ممنوع .





اهم حاجة مترحش لدكتور متجبش مدرس ولا ادوية واياك من المعجنات زى البيتزا والفطائر ومش محتاج افكرك ان البسبوسه والجلاش والكنافة والقطايف والجاتوة والشاتوة والتورت وام على وصوابع زينب ورموش الست والكحك والغريبة ممكن تستغنى عنهم .

طبيعى انك مش هتقرب من الفواكهة خالص البرقوق المنجو البطيخ الفراوله الكيوى الخوخ العنب التفاح حتى الكاكا والحرنكش والنبأ والقصب والدوم والتوت ممنوع سيادتك .

وطبعا معجون الاسنان والحلاقة والشامبو والبلسم كلها رفهيات ملكش فيها زى البصل والتوم والبطاطس كلها اساسيات ملكش فيها برضه ومتنساش تبلغ الناس اللى تعرفهم هما اكيد زيك محتاجين شوية نظام مش اكتر هما غلابة وفكرهم يقولو لعيالهم لو شافو مسلسل فى التليفزيون مليان بهرجه ان دى قصص خياليه كانت فى العصور القديمة فترة من الزمن و ان الواقع زى ماهما شايفيين حتى الاعلانات حاولو تفهموهم انها مجرد الوان مبهرة وتكنولوجيا فى علم التصوير وتخيلات ممكن تحصل بعدين زى ماحصل فى امريكا وكندا وفرنسا والمانيا واوربا كلها وان الحجات دى علشان لما الناس دى يجو عندنا يلاقو منها ويعرفو يعيشو هى مش لينا دى ليهم هما اصحاب البلد ولازم ينبسطوا .

عموما لو على الكلام مش هيخلص روح الحق طابوووووور العيش تبقى مصيبة لو الفرن شطب .


تفتكروا 1000 جنية ... تكفى ؟

طب أيه رأيك فى الى بياخد 200 جنيه !!

تتوقع أنسان زى ده يقدر يعيش أزاى !!

أعرفكوا خبر حصرى !!
المواطن المصرى على وشك الإنقراض

_________________

الرجوع الى أعلى الصفحة اذهب الى الأسفل
http://babeldonia.alafdal.net
Life_HearT
المراقب العام
المراقب العام
avatar

ذكر عدد المساهمات : 83
تاريخ التسجيل : 22/08/2009
العمر : 26
الموقع : life_heart17@yahoo.com

مُساهمةموضوع: رد: كيف تعيش فى مصر بـ1000 جنيه في الشهر؟   الجمعة أغسطس 28, 2009 6:01 am

الله يخليك بلاش السياسة هتودينى فى داهية حرام عليك يا شيخ مش لازم حاجات كتير انت مبذر اوى يعنى مثلا
ليه الحليب وكمان يوميا ياراجل كفاية ربع كيلو على اد الاولاد انت ياما شربت
فول 8 ج انت لازم تجيب بالكيلو مالوا ابو نص جنيه من على العربية مليان تراب وحصو وفول مسوس .............انت غريب والله
وليه جبنة خلينا فى الفول على الفطار ويا عم لو جعان اوى هات بنص جنيه طعمية يا سلامممممممممممممممم............ على الطلاق غريب خليك متواضع
وهتقولى بيض طيب وانفلونزا الطيور ............. حرام
ليه خضار خليك فى العدس ولا يالا مرة من نفسك مع حتتين عضم من عند الجزار
هتقولى شاي وسكر وكلام فاضى دى منبهات مضرة بالصحة وبعدين هتعمل ايه الحكومة هى فاضيالك ...............يا اخي حرام عليك دى مش بتنام
المكرونة ممنوع والفراخ فيها انفلونزا واللحم فى جنون البقر هتعمل ايه قولتلك خليك فى العدس
وبعدين لازمتها ايه التوابل كفاية اوى كيس الملح
هتقولى صابون يا راجل انزل خدلك غطس فى الترعة
على فكرة المشي مفيد جدا مش لازم مواصلات
وحلاق ليه خليك على الموضة وطول شعرك زي عم الشباب ((دبورررررررر))
مش لازم تعليم على الاقل العيال يساعدوك فى المصاريف انت امرك عجيب
تليفون بقى وكلام فاضى يا عم شيلوا خالص الى عاوزك يجيلك انت قليل
مية ماشي بس النور ليه مالها اللمبة الجاز جدك عاش عليها سنين والغاز هات باجور احسن يا مفترى
يا عم حرام هتنق على الزبالين روح اشتغل زيهم (محدش بيسيب حد فى حاله)
هتقولى بواب وماله لما انت بعد الشغل تقعد على الباب تتسلي
وملابس ماشي خلي العيال تفرح بس شرابات ليه يعني لو لبست الجزمة من غير شراب هتقولك لأ
وبعدين صيانة انت لو كنت حافظت على الحاجة مكنتش بازت استحمل بقى
بقولك ايه انت مفترى وتيجي تقولى الحكومة يا ضلالي هم يا ابنى مش بيناموا من المسئوليات الى عليهم والله حرام امثلكوا الى جايبنا ورا ورا ورا وراااااااا
الرجوع الى أعلى الصفحة اذهب الى الأسفل
silver love
نائب المدير
نائب المدير
avatar

ذكر عدد المساهمات : 590
تاريخ التسجيل : 23/08/2009
العمر : 28
الموقع : babeldonia

مُساهمةموضوع: رد: كيف تعيش فى مصر بـ1000 جنيه في الشهر؟   السبت أغسطس 29, 2009 4:21 am

على فكرة مع احترامى ليكو انتو الاثنين نسيتو اهم حاجة الفسفور ولا اقولك بلاش علشان هما بيقولو ان فى دلوقتى بواسير السمك

_________________
الرجوع الى أعلى الصفحة اذهب الى الأسفل
silver love
نائب المدير
نائب المدير
avatar

ذكر عدد المساهمات : 590
تاريخ التسجيل : 23/08/2009
العمر : 28
الموقع : babeldonia

مُساهمةموضوع: رد: كيف تعيش فى مصر بـ1000 جنيه في الشهر؟   السبت أغسطس 29, 2009 4:23 am

بقولك ايه مش لازم تعيش فى مصر ب 1000 جنيه روح خدلك تربه ايجار قديم واقعد فيها يمكن حظك يطلع حلو وتتكل بدرى يبقى لاقيت متوى

_________________
الرجوع الى أعلى الصفحة اذهب الى الأسفل
GemY
المدير
المدير
avatar

ذكر عدد المساهمات : 458
تاريخ التسجيل : 22/08/2009

مُساهمةموضوع: رد: كيف تعيش فى مصر بـ1000 جنيه في الشهر؟   السبت أغسطس 29, 2009 4:38 am

هههههههههههههههههههه

_________________

الرجوع الى أعلى الصفحة اذهب الى الأسفل
http://babeldonia.alafdal.net
بوحة كركر
عضو مميز
عضو مميز
avatar

ذكر عدد المساهمات : 210
تاريخ التسجيل : 24/08/2009
الموقع : فى اى حتة

مُساهمةموضوع: رد: كيف تعيش فى مصر بـ1000 جنيه في الشهر؟   الخميس سبتمبر 10, 2009 4:37 pm

وليه تعيش فى مصر بالف جنيه وانت ممكن تنصب على ناس وتعيش بره مصر احسن من هنا بكتير ومحدش هيقولك انت بتعمل كده ليه ولو ملكش فى النصب والهرب بره اسرق بذكاء هاتعيش بمليون مش بالف جنيه
الرجوع الى أعلى الصفحة اذهب الى الأسفل
GemY
المدير
المدير
avatar

ذكر عدد المساهمات : 458
تاريخ التسجيل : 22/08/2009

مُساهمةموضوع: رد: كيف تعيش فى مصر بـ1000 جنيه في الشهر؟   الجمعة سبتمبر 11, 2009 5:46 am

هو ده اللى هنوصله


_________________

الرجوع الى أعلى الصفحة اذهب الى الأسفل
http://babeldonia.alafdal.net
Life_HearT
المراقب العام
المراقب العام
avatar

ذكر عدد المساهمات : 83
تاريخ التسجيل : 22/08/2009
العمر : 26
الموقع : life_heart17@yahoo.com

مُساهمةموضوع: رد: كيف تعيش فى مصر بـ1000 جنيه في الشهر؟   السبت سبتمبر 12, 2009 4:00 am

المشكلة ان مش احنا الى احنا نعرف نعمل كده يابوحة الحاجات دى ليها ناسها
الرجوع الى أعلى الصفحة اذهب الى الأسفل
Loai El King
عضو جديد
عضو جديد
avatar

ذكر عدد المساهمات : 11
تاريخ التسجيل : 28/08/2009

مُساهمةموضوع: رد: كيف تعيش فى مصر بـ1000 جنيه في الشهر؟   الثلاثاء أكتوبر 13, 2009 2:11 pm

على راى الاستاذ والاديب الكبير محمد الديب
انزل افطر واتغدى واتعشى عند ابوك وامك وريح دماغك
الرجوع الى أعلى الصفحة اذهب الى الأسفل
silver love
نائب المدير
نائب المدير
avatar

ذكر عدد المساهمات : 590
تاريخ التسجيل : 23/08/2009
العمر : 28
الموقع : babeldonia

مُساهمةموضوع: رد: كيف تعيش فى مصر بـ1000 جنيه في الشهر؟   الأربعاء أكتوبر 14, 2009 7:23 pm

ههههههههههههههه
عاش الاديب محمد الديب الشاعر الكبير

_________________
الرجوع الى أعلى الصفحة اذهب الى الأسفل
 
كيف تعيش فى مصر بـ1000 جنيه في الشهر؟
الرجوع الى أعلى الصفحة 
صفحة 1 من اصل 1
 مواضيع مماثلة
-
» وحدات القياس
» أنواع السحر وطرق علاجه بالعلاج الشرعي بإذن الله
» رجيم ينزل 12 كيلو في 12 يوم .....ويمكن اكتر
» تمارين على الكسور العشرية والتقريب
» 1000 كلمة أخري نتحدث بها كلنا ولا نعلم ان أصلها قبطي

صلاحيات هذا المنتدى:لاتستطيع الرد على المواضيع في هذا المنتدى
منتدى باب الدنيا :: الابواب العامه :: باب الحوار الجـاد-
انتقل الى: